Die kerklike, Christelike kalender begin met Advent. Die 2020-2021 kalender het begin op 29 November 2020.
Vandag (27 Junie 2021) is die begin van week 31 op die kerklike kalender.
Die “gewone” kalender begin op ‘n Sondag, en vandag is die begin van week 26 (waar die eerste Sondag (03 Januarie) van die jaar die eerste week van die jaar se begin was).
Baie kerke in Suid-Afrika en regoor die wêreld gebruik leesroosters om hulle Sondae- en ander dienste en boodskappe uit te werk. Een van hierdie leesroosters, wat ook deur sommige gemeentes in die NG Kerk hier in Suid-Afrika gebruik word, is die Revised Common Lectionary. Ek gebruik ook meestal hierdie leesrooster se Bybelgedeeltes of -tekste.
Week 31 se tekste wat oor die algemeen gebruik word, is:
- Markus 5:21-43
- Psalm 130
- 2 Samuel 1:1, 1:17-27
- 2 Korintiërs 8:7-15
Die leesrooster wat gebruik word, het ook ‘n paar alternatiewe tekste wat moontlik gebruik kan word:
- Wysheid van Salomo 1:13-15, 2:23-24
- Klaagliedere 3:22-33
- Psalm 30
Op die Christelike kalender is dit vandag die vyfde Sondag van Koninkrykstyd.