Waarom ek nie ‘n “Afrikaner” is nie…


Op 1 Augustus 2013, verskyn daar ‘n plasing by Maroela Media se blog, wat geskryf is deur Dr. Piet Croucamp. Die titel van sy inskrywing is: “Daarom is ek geen Afrikaner nie“.

Hy praat oor ‘n paar interessante dinge… In hierdie blog, wil ek vertel waarom ek myself nie kan vereenselwig met hierdie groepering mense wat hulleself “Afrikaners” noem nie. Ek gaan nie nou meer skryf nie. Ek wil hierdie inskrywing gebruik as iets van ‘n langtermyn denkrigting. So ek gaan nou en dan terugkom hiernatoe, en verder skryf, of sekere goed verander [Elke keer as ek iets verander, sal ek dit wel duidelik noem, en redes gee vir my verandering]. Wie weet?: Dalk verander ek op ‘n stadium selfs die opskrif!

So, wat op aarde is ‘n “Afrikaner” nou eintlik?
My eerste gedagte is dat dit iemand is wat Afrikaans praat.

Hoe verstaan ander Afrikaans-sprekendes die term “Afrikaner”?
Terwyl ek weet dat dit gevaarlike terrein is, puurlik op grond daarvan dat verskillende “Afrikaans-sprekendes” so verskillende daarna kyk, het ek so paar mense se definisies gaan probeer opsom uit verskillende goed wat hulle geskryf het. Mense soos Piet Croucamp self, asook Dan Roodt, Steve Hofmeyr, Jan-Jan Joubert, en andere.

 

 

Advertisements

#NGKerk, kompromie en konsensus


Hierdie is ‘n baie goeie blog oor die NG Kerk en die onlangse Algemene Sinode van die NG Kerk…

NG Kerk anoniem

In 2007 het daar twee teenoorstaande verslae en voorstelle rondom die kerk se standpunt oor homoseksualiteit op die tafel gedien. Die sinode kon mekaar nie vind nie, en Malan Nel het voorgestel dat die moderators van die NG Kerk daai aand bymekaarkom om ‘n alternatief voorstel te skryf. Die volgende oggend is hierdie verslag met ongeveer 80% van stemme aanvaar.

In 2011 was Belhar op die tafel. Die sinode moes besluit of daar ‘n proses om Belhar deel van die belydenisgrondslag van die NG Kerk aan die gang gesit moes word. Hulle het ja gestem, met slegs 8 teen stemme. Maar die besluit het bitter min konkreet gedoen. Wat dit sou beteken, hoe dit sou gebeur, dit was alles oop gewees. Daar was baie emosie, opgewondenheid.

Toe kom 2013. 2013 dink ek was ‘n sinode wat prosesse aan die gang gesit het. ‘n Proses tot kerkhereniging is goedgekeur. ‘n Proses…

View original post 1,372 more words

One Crown: Lig


Weet jy hoe dit voel, om na jou te kyk,

en te sien dat jou wêreld beter kan lyk?

Het jy al geding, wat bly oor as die rook gaan lê,

en die stad se rooi ligte jou nie meer wil hê?

Weet jy dat jou lig, helderder kan skyn?

Die stad se ligte, kan laat verdwyn?

Ek sal my lig laat skynOne Crown

sodat my vriende kan sien

hoe mooi die donker wêreld in kleur lyk.

Ek weet jy het nou gesien, dat vryheid lê daarby,

om te kan doen wat jy wil, en nie wat jy voel jy moet nie.

Ek glo elkeen het ‘n droom en daai droom in jou hart

is daar geplant om vir jou te wys wat jy kan wees.

Weet jy dat jou lig, helderder kan skyn?

Die stad se ligte, kan laat verdwyn?

Ek het hierdie liedjie die eerste keer live gehoor by ‘n optrede van “One Crown”, ‘n groep van Potchefstroom af. Die lied is op albei van hulle CD’s (“Grace” en “Verander”).

Die lied is geskryf die lede van One Crown.

Bethel Music: My soul sings


Open my eyes to see:

the wonderful mystery of Love.

Falling into You,

I’m drawn to the gravity of love.

We’re standing still in a moment of eternity.

Where worlds collide,Here is love - Bethel CD

and I feel the breath of heaven over me.

My soul sings

My soul sings

My soul sings

How I love You.

Open the page and see:

the wonderful history of Love.

I start and end with You,

I’m pulled by the gravity of Love.

We’re standing still in a moment of eternity.

Where worlds collide,

and I feel the breath of heaven over me.

My soul sings

My soul sings

My soul sings

How I love You.

I heard this song on the CD “Here is Love”, which was recorded by Bethel, at a live event.

It is written by Jonathan Thatcher, Martin Smith and Stuart Garrard. It is copyrighted by Curious? Music UK.

Lied van die week… Inleiding


Ek wil probeer om meer gereeld te blog.

Een van die goed wat ek nou en dan sien op ander se blogs, is dat hulle die woorde van liedjies opsit. Ek hou van musiek. So dit het my laat dink…

Ek wil my blog gebruik om sommer van my gunsteling liedjies se woorde met ander te deel. Ek hoop dat daar nou en dan iets spesiaal sal gebeur met ander, soos wat daar iets gebeur met my as ek na van hierdie musiek luister.

Ek het al gehoor dat mense sê dat musiek die hart van ‘n mens beïnvloed. Ek het dit ook al baie gevoel. So, hierdie is dan die inleiding van die reeks van musiek wat my hart raak…

Ek sal elke week probeer om ten minste ‘n Engelse liedjie se woorde op te sit. Maar aangesien hierdie my Afrikaanse blog is, sal ek ook probeer om ‘n Afrikaanse liedjie op te sit.

Ek is baie lief vir gospel musiek, soos Tree63, Third Day, Louis Brittz, Jesus Culture, Bethel, en so aan… Maar my musiekliefde word nie beperk tot gospel nie. So wees maar gereed vir nie-gospel musiek by tye.

Nog ‘n aspek van hierdie reeks, kom van een van my vriende af. Hy het al die idee gehad dat daar gepreek moet word oor die (moontlike) dieper betekenis van liedjies. Ek gaan hierdie idee by hom leen, en soms so bietjie skryf oor wat die liedjie vir my beteken.

So geniet dit…

Oppad na ‘n gesonder leefstyl


Ek was vandag weer in die gym.

Ek gym by Virgin Active… (Ek mag adverteer op my eie blog…)

Ek was so twee weke laas in die gym voor vandag. In die groter prentjie is dit seker nie so lank nie. Ek is immers al omtrent vyf jaar (dit is nou so 60 maande, of 260 weke) by Virgin Active.Virgin Active

Al die takke het mos daardie masjien waar jy jou gewig en bloeddruk en liggaamsvet en heart rate neem. Voordat ek gaan oefen het, het ek net gou al my maatstawwe gaan vat…

Volgens die masjien, weeg ek vandag 130.6 kg, is my bloeddruk 143/84 mmhg (wat dit ookal beteken!), is my heart rate 90 bpm, en het ek 33.8% liggaamsvet.

Ek het nie vaagste benul wat van hierdie goed beteken nie. Ook nie regtig hoe mens dit kan verbeter nie.

Ek weet net dat ek op die oomblik baie fokus op cardio oefeninge. Ek weet ook nie regtig wat dit beteken nie, maar dit sal blykbaar help om fiksheid te verbeter… En ek het nodig om fikser te raak.

Ek beleef myself as redelik ongesond. Hierdie blog inskrywing is die eerste van (hopelik) ‘n goeie en getroue reeks, waarin ek my pad na ‘n gesonder leefstyl wil deel (met myself, en ook met enigiemand wat dit wil lees).

Een van my inspirasies hiervoor is mense… Mense wat ongesond lyk. Daar is dalk ‘n paar ander woorde wat mens daar kon gebruik, in plaas van “ongesond”. “Oorgewig” is een van daardie woorde. “Supervet” is ‘n ander een (dis my blog, so ek mag daardie ‘n woord noem). Ek is nie een wat oordeel uitspreek oor hoe mense lyk nie. Ek sal my eie voorkoms moet begin beoordeel (veroordeel!) as ek ander se voorkomste wil veroordeel. Maar iewers in my onderbewussyn het die gedagte by my begin opkom dat “ek nie so wil lyk nie”… en daardie gedagte kom veral op wanneer ek hierdie “supervet” mense sien. Dit lyk ongemaklik!

Ek voel soms ongemaklik… En ek lyk nie eers so ongesond nie!

Een van my ander inspirasies, is ‘n youtube video wat ek onlangs gesien het. Die titel van die video is: “One mans 120 pound journey”. Gaan kyk bietjie daarna.

Deur die loop van hierdie reeks, sal ek meer van my inspirasies deel.

Vir nou, sal ek hier stop. Ek hoop om meer getrou te blog as in die verlede. Maar ek het hierdie ander duidelike doelwit: Om meer getrou te oefen as in die afgelope twee weke… en meer getrou te oefen as wat ek geblog het oor die afgelope 12 maande!