‘n Foto ‘n dag…


Een van my nuwejaarsvoornemens is om meer foto’s te neem.

‘n Paar maande gelede het ek ‘n fotografie-blog begin… As deel van hierdie nuwejaarsvoorneme, wil ek probeer om gemiddeld een foto per dag te plaas.

Hierdie foto’s sal dalk foto’s wees wat ek self geneem het (wat meestal die geval sal wees), of dit sal dalk ‘n foto van iemand anders wees waarvan ek baie gehou het. Indien dit iemand anders se foto is, sale k altyd my bes doen om erkenning aan daardie persoon te gee (of ten minste te noem waar ek dit gekry het.

Die enigste vereiste is dat ek dit foto’s hierdie jaar geneem het, of dat ek die foto hierdie jaar vir die eerste keer gesien het.

Nuwe begin… en nog een…


Ek het ‘n paar jaar terug hier begin blog.

Ek het begin blog in Engels en Afrikaans. Ek het al my blogs in Afrikaanse gedoen, en dan in Engels vertaal, of in Engels geblog en in Afrikaanse vertaal.

In die laaste jaar het ek baie min geblog. Ek is nogal spyt daaroor. Ek wou bitter graag weer begin. Ek het in die afgelope twee weke by drie verskillende plekke (persone!) gehoor van joernaal skryf (“dagboek” skryf). Een van die goed waarmee dit help, is om jou eie gedagtes te orden.

In die afgelope week het ek weer begin joernaal skryf in ‘n boek. Ek het nog altyd gehou van skryf met die hand.

Ek wil egter ook weer blog. In my joernaal sal ek baie goed skryf wat ek dalk nooit verder as daardie boek sal deel nie. Ek sal wel baie meer gereeld begin blog.

Ek begin hierdie Afrikaanse blog om dit wat ek dalk in Engels blog en wil vertaal, hier kan kom plaas. Ek het begin voel dat my ander blog net te vol begin raak met alles wat herhaal het. Ek hoop dat die twee blogs bietjie my gedagtes sal orden.

Ons sal kyk of dinge werk…

Terwyl ek skryf van nuwe dinge… Ek het ook hierdie nuwe blog begin, waar ek elke nou en dan van my gunsteling foto’s gaan plaas. Kom kyk bietjie daarna. Dalk hou jy ook daarvan.

Kom ons geniet ‘n koffie elke nou en dan…