Regverdig of nie


Een van die hartseerste gesegdes is seker: “Die lewe is onregverdig.” Hoekom? Dalk omdat dit so waar is. Dit is nie lekker om dit te besef nie. Tog kom meeste van ons eers agter hoe onregverdig die lewe is wanneer ons aan die ontvangkant is van negatiewe gebeure.

Dit kom ook so maklik vir ons om uit te wys hoe onregverdig die lewe ons behandel. Ons dink nie eers aan hoe onregverdig die lewe vir ander is nie.

Soos die vrou wat 04:00 in die oggend opstaan om iemand anders se huis te gaan skoon maak. Sy het haar eie kinders, maar sy kan hulle nie wakker maak nie. Sy het nie ‘n keuse nie; hoe anders gaan sy die kinders wat sy so min sien, kos kan gee? Die ekstra stukkie onregverdigheid is dat sy iemand anders se kinders help grootmaak en meer tyd met hulle spandeer as met haar eie kinders.

Hoe baie mense werk vandag in supermarkte, waar hulle (soms baie ondankbare) mense help om hulle kruideniersware te bekom, vir R12,50 per uur (ás dit so baie is)? Dít, terwyl die eienaars van daardie besighede miljoene rande “verdien” uit die goedkoop arbeid wat aangestel word.

Ek dink ek skryf baie meer vir myself as vir enigiemand anders vandag. Want ek voel die lewe is baie onregverdig teenoor my die laaste paar maande. Ek wil baie graag werk as predikant by ‘n gemeente. Dit is immers waarvoor ek geleer het. Ek is op die oomblik aangewese op gemeentes (en hulle predikante, in ‘n mate) se goedhartigheid om my te vra om in te staan as predikant, net sodat ek bietjie betaling kan kry om te kan oorleef. Vandag is dag 35 van lockdown, en vir my beteken dit dat ek vier preekgeleenthede gemis het en nog geleenthede gaan mis. Dus, geen inkomste.

Ek gaan geensins probeer antwoorde gee op die onregverdigheid van die lewe nie. Ek dink wel ek moet leer om my eie omstandighede te vergelyk met ander se omstandighede, en dalk besef dat die lewe vir ander selfs meer onregverdig is as vir my.

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s